info@mexillondegalicia.org +34 986 507 416

O Consello
Regulador

Organismo que fomenta e protexe a calidade e garante a orixe do mexillón cultivado, procesado e elaborado en Galicia.

Trámites co Consello

1994

O Consello Regulador do Mexillón de Galicia comezou a súa actividade en 1994, tras varios anos de traballo previo dende 1989 marcándose como obxectivo impulsar a calidade do mexillón galego e aportar as máximas garantías ao consumidor.

Unha das primeiras accións foi conseguir a distinción de “Produto Galego de Calidade”, sendo o primeiro produto do mar en acadala.

2007

Coa implementación das normativas da Unión Europea sobre Denominación de Orixe, o Mexillón de Galicia adiantouse novamente e foi o primeiro produto do mar en Europa en obter a Denominación de Orixe Protexida (DOP) en 2007, un recoñecemento que aínda hoxe o distingue como único en España.

O Mexillón de Galicia foi o primeiro produto do mar en obter a DOP

Dende entón, o Consello Regulador perfeccionou os seus sistemas de control e a marca foi gañando prestixio entre consumidores, distribuidores e produtores.

Funcións do
Consello Regulador

  • O principal obxectivo do Consello Regulador do Mexillón de Galicia é asegurar a calidade do mexillón en todo o seu percorrido dende o mar ata o consumidor: cultivo, elaboración, procesamento e distribución, garantindo que o produto final cumpra coas expectativas dos consumidores.

  • Para iso, realizamos auditorías nas bateas e supervisamos todas as descargas nos portos, ademais de auditar a cadea de custodia nas empresas de procesamento e facer inspeccións no mercado.

    Cando os resultados dos controis de calidade son satisfactorios, o mexillón recibe a certificación baixo os requisitos da norma ISO-17065.

    Tamén nos encargamos de promocionar as calidades únicas do Mexillón de Galicia, o seu sabor, aroma, valor nutricional… Todas elas resultado dun cultivo en batea natural, tradicional e perfectamente adaptado a un entorno singular, as Rías Galegas, cuxas augas son unha fonte inesgotable de nutrientes para o noso mexillón.

  • Consello Regulador do Mexillón de Galicia

  • No ámbito da I+D+i colaboramos con entidades tanto nacionais como internacionais de recoñecido prestixio en proxectos que buscan ampliar a nosa base de coñecemento.

    Así mesmo, promovemos iniciativas socioeconómicas que beneficien ás familias, empresas e traballadores vinculados ao sector, realizamos estudos e colaboramos coa Administración pública para defender os dereitos dos consumidores e protexer a DOP Mexillón de Galicia.

Consello Regulador do Mexillón de Galicia
Consello Regulador do Mexillón de Galicia

Organigrama
do Consello

O máximo órgano de xestión do Consello Regulador do Mexillón de Galicia é o Pleno, composto por representantes dos produtores, dos centros de expedición/depuración e dos centros de elaboración de mexillón, así como por vogais da Administración autonómica.

As actividades de control da Denominación de Orixe Protexida canalízanse a través dunha estrutura independente, encabezada por un Comité de Certificación..

Organigrama do Consello Regulador do Mexillón de Galicia

Lexislación

Normativa Europea

Normativa de Galicia

Normativa DOP Mexillón de Galicia